حلا الكاسات من مطبخي

جايبة لكم من مطبخي الخاص جدا حلا جديد وحلو اوي

وينفع في العزايم والمناسبات لأنه شكله وطعمه ماحصلوش بجد

والحلا ده اسمه ((حلا الكاسات ))

انا جبت لكم الصور النهائية للكاسات ودلوقتي ندخل على المقادير

ياترى عجبتكم الصور !!..

ندخل في المقادير

-باكو كريم كرامل
-قشطة طازج من عند اللبان
-اي نوع شيكولاتة بتحبيه حتى لو كانت خام
-2كوب لبن
-باكو بسكوت سادة اي نوع
-علبة جبنة كيري 6قطع
-باكو كريم شانتيه
-نصف كوب سكر

الطريقة :
الطبقة الاولى
-اول حاجة هنعمل الكريم كرامل مع نصف كيلو لبن على النار ونقلبه الى ان يثقل قوامه
بالظبط لمدة 3 دقائق
-هنسيبه يهدى شوية من الحرارة ونحطه في الخلاط ومعاه باكو البسكوت متوسط الحجم ونضربهم كويس جدا
وبعدين نبدأ نصب اول طبقة في الكاسات ونسيبه يبرد شوية ويتماسك في الثلاجة ربع ساعة
-الطبقة التانية:
-عندنا اي
نوع شيكولاتة 4 كورونا اي نوع ونحطه في حلة وعليها معلقتين زبدة وفنجان
صغير لبن ونسيبه على نار هادية لحد ما يدوب مع التقليب المستمر
-ونسيه
يبرد شوية وقبل ما يجمد نصبه على الطريم كراميل مع البسكوت في الكاسات
وممكن نرش شوية مكسرات عليها ونحطه في الثلاجة وهو هايبرد بسرعة
والشيكولاتة تتماسك
ونستعد لعما اخر طبقة:

وهي اجمل طبقة : نحط الكريم شانتية مع نصف كوب حليب وممكن تتضاعفي الكمية وتحطي
2 كريم شانتيه مع كوب لبن ساقع ونضيف حبات الجبنة الكيري ونحط نصف كوي قشطة
مع نصف كوب سكر ونضربهم في الخلاط جيدا لحد ما الخليط يتماسك جدا ويتضاعف

ونبدأ نصبه طبقة تالتة ونرش على الوجه اما كاكاو بودرة او شيكولاتة مبشورة حسب الرغبة

ونسيب الكاسات من 4 الي 5 ساعات ويقدم

وبالهنا والشفا

منتظرة ردوردكم واستفساراتكم

الموضوع الأصلي : حلا الكاسات من مطبخي

المصدر : ملتقى الجزائريين والعرب