إضحك مع بعض النكت

1- واحدة قالت لراجلها: روح جيبلي الجاج باش ندير طاجين الزيتون ...


كي راح راجلها ضرباتو طوموبيل ومات .. أيا جات ليها جارتها تبكي وتنوح، آحوجي راجلها وخلاها ...

أحوجي ضورك شادير المغبونة..؟

قالتلها المرا، شاندير..؟ ندير الزيتون بلاجاج.
_________________________________________________

2- أستاذة سقسات تلميذ حابس في القسم:

الرقم 200 كيفاش نقولولو بالعربية قالها: ميتين

قالتلو إذن استعمله في جملة

قالها: البارح أنا وصاحبي كنا ميتين بالضحك.
__________________________________________________

3- قالك واحد عاش كامل حياتو فقير

كي لحق 90 سنة ورث 5 ملايير .. بنى زوج فيلات واحدة في الصحراء وواحدة على شط البحر.. الصيف يفوتو في الفيلا تع الصحرا ..

والشتاء يجوزو في الفيلا تع شط البحر..

قالولو يا الحاج واش راك دير؟؟

قالهم كيما تسخرت بيا الدنيا راني نتمسخر بيها... هههههههههههههههههههههههه

____________________________________________________

4- الزوجة: علاش ماقلتيش إنك فقير قبل ما نتزوجو؟ كنت ما نتزوجش بيك ...


الزوج: ... بصح أنتي ماكنتيش تفهمي! .. من يوم ما شفتك وأنا نقولك أنتي كل ما أملك في هذي الدنيا .. وانتي تضحكي!

_____________________________________________________

5- واحد صاحبو مات وحب يبلغ الخبر لزوجة صاحبو بلا ما يخلعها..

قالها: مدام راجلك خسر كامل دراهمو فالقمار.

قالتلو: ربي يضيع عمرو ...

قالها: وباع الدار ... قالتلو: ربي ياخذ عمرو.....
.
.

قالها: واتزوج عليك...
.
.
.


قالتلو: ياربي يدخلوه عليا ميت ...
.
.
.
.
.
.
.

قال لصحابو: أيا جيبوه يا جماعة ............

الموضوع الأصلي : إضحك مع بعض النكت

المصدر : ملتقى الجزائريين والعرب

هههههههههههههههههههههههههههههه رائعة

الموضوع الأصلي : إضحك مع بعض النكت

المصدر : ملتقى الجزائريين والعرب