كتب من هُموم القلب / آشعار ...!

للسفر قِصة وقصتي كلّها اسفار ..!
من بدايات العمر حتى مغيبه ..!
لو يطول الوقت ياخذني احتضار ..!
وإن قِصر مافاد عمري نِحيبه ..!
البَلى انّي بكل الآحوال مِحتار ..!
اترك منادات الآمل ولاّ آجِيبه ..!
وش يسوّي من بداخله الدّمار ..!
وش يسوّي لَا لِقى همّه بِجِيبه ..!
لاغدى من قبل موعدنا حِصار ..!
كلٍّ ن حَمَلَّه من كُسوره نصيبه ..!
كِن ساحات اللّقى صارت مطار ..!
كِلٍّ ن وُقوف ينتظر موعد حبيبه ..!
وقتها كلّ شيٍ خاضعٍ للآنتظار ..!
لاصار كلٍّ مِنّا ينتظر لٰقيا مصيبه ..!
لَا الآماني قَدّرت .. شِيب الوُقار ..!
ولَا الليالي عاندَت لحظة عَصيبة ..!
صرت اناضل .. علّني آلقى قَرار ..!
وكلّ الجهات اليّوم صارت كئيبة ..!
لا مفر من الجُروح .. ولا فِرار ..!
سَهم الهوى عانق الليلة صِويبه ..!
لحظة ! وخلّونا نغيّر هـَ المسار ..!
ونقول فيذا الصّبر قُدرة غريبه ..!
عرفنا الشدايد .. يوم حنّا صغار ..!
والطفل يفطم قبل يِخْلَص حليبه ..!
وشلون نعجز شيلها واحْنَا كِبار ..!
لَوّ يِهادينا الجَمُر .. نَاطآ لِهيبه ..!
إن كان كَتف العمر هَزّه آنكسار ..!
في داخله من الشموخ مايِفتَديبه .. !
فينا الكبرياء مثل جيش التتار ..!
يوم استباح الشرق وآصبح سليبة ..!
واللي فَرَقْ .. مابيننا باختصار ..!
مِن دِيننَا .. خِذنا لِنا عِزّه وهيبه ..!
عمار ياكلّ روحٍ عايشه بالانتصار ..!
واذا آبتعد عنها الفرح تِبقى قِريبه ..!
تطلب العَليا .. ولها العليا مَنار ..!
مع كل نجم لاح .. قصه عجيبة ..!
ولا سامح الله .. من يِكَوّيك بالنار ..!
هو يِبْتليك .. ومن فعُولَه تِبْتليبه..!
دَوِّر على بُعدَ البِصيره والإِبْصار ..!
وجاور سعيدٍ من يجاريك طِيبَه ..!
ولا عَدَتْ دنياك .. واعْماك الغبار ..
ابتعد عن صاحبٍ ماينغزِي بَه ..!
فاصل ! نسترجع بدايات الحِوار ..!
وكيف احنا نحب الحب ونعيبه ..!
وكيف العين تِسهر لاجل حلمٍ طار ..!
وكيف الشمس تِكسَف مِن اساليبه ..!
وكيف الهّم بعد الحب تعنّى وزار ..!
بيت مِن العشق ضاق في مخاليبه ..!
ماكَنِّنا آنخلقنا .. في حُبّنا آحرار ..!
غيرنا عاجز .. يحقّقّها مَطاليبه ..!
او إننا مالقينا فيه صُحبَة الاخيار ..!
مثل طُهر الشام .. بالخيانه عَطيبَه ..!
لعنة الله عليهم .. لعنة الله لبشار ..!
عسى غضب ربي عاجلٍ لَه يِصيبه ..!
والعالَم اللي .. يحارب السنّة جِهار ..!
ياربّ تدمّر .. كِل جِندَه وسَرِيبَه ..!
ورايات العدو .. ياعساها بِانهيار ..!
والمصايب تجتمع في معابد صليبه ..!
والله اكبر تزلزل .. مراتع الاشرار ..!
والقدس تسمع مِن رجوعَه قنيبه ..!
سبحان من قوتّه .. تِبدّل الاقدار ..!
فيه امال العِباد .. ماهي مخيبة ..!
ننفض غبار اللي مضى ناخذ الثّار ..!
من ماضيٍ صابنا .. ضعفُ ومشيبه ..!
وانا كتبت .. من هموم القلب اشعار ..!
عندي المآتِم وسط صدري رحيبه ..!
وعندي القصيد له منابع وانهار ..!
في كل ارض لِّي مجاري صَبيبه ..!
واليوم نزفي واجبٍ مُو بِاخْتِيار ..!
عانقت جرحي وانتشى بي سِكيبه ..!
حاولت اكسّر في ملامحه الايطار ..!
وقلت لَه قولي واللّيالي حَسيبه ..!
والخَتم صلّوا على محمّدِ المُختار ..!
نور الظلام .. اللي مَعه نِهتِديبه ..!

منقـــــــــــــــــول ....

الموضوع الأصلي : كتب من هُموم القلب / آشعار ...!

المصدر : ملتقى الجزائريين والعرب

يا الله ما أحلى زوئك يا أختي
كلامك كلوا سكر
وشكـــــــــــــــــــــــرا

الموضوع الأصلي : كتب من هُموم القلب / آشعار ...!

المصدر : ملتقى الجزائريين والعرب

كتب من هُموم القلب / آشعار ...!

كتب من هُموم القلب / آشعار ...!

رد: كتب من هُموم القلب / آشعار ...!