اجمل واسهل طبق

بسم الله الرحمن الرحيم
السلام عليكم ورحمة الله وبركاته

ازيكو يا احلى قمرات
وحشتوني خالص
بقالي كتير مش شاركت في المنتدى
ولا نزلت موضوعات من يوم ما ولدت مريم بنتي
يارب الجميع يكونو بخير وصحة
كنا خارجين رحلة مع الولاد
وعملت معجنات وطلعت روعه
وطريقتها سهلة وهقول لكو على سر نجاح العجينة معايا
المقادير اولا

كيلو دقيق
معلقة كبيرة خميرة جافه
ملح وسكر
كوباية ميه دافية
نص معلقة بيكنج بودر
والسر بقى هو نص كوباية كريمة لباني مع نص كوباية زيت

الطريقة بالصور
اولا كل السوايل مع يعض

وبعدين باقي المكونات وعجنتهم كويس

وسبتها ربع ساعة تتخمر
وبعدين شكلتها وحشيتها حشوات مختلفة

هنا عصجت لحمة مفرومة وعملتها على شكل كرواسون

ولفيتها

وسويتها

وحشوة تانية عرفتها من صحبتي وطلعت خطيرة
وهي عبارة عن عدس بني ملسوق وبطاطساية مسلوقة ومهروسة
ومعلقتين لحمة معصجة وقلبتهم في بعض مع ملح وكمون

وشكلتها

وقفلتها بالشوكة وسويتها

وحشوة كمان بالجبنة والزيتون والسمق

وعملت ميني بيتزا

والنتيجة كانت جميلة
وكل واحدة تحط لمستها

ودا طبق للي يحب يجرب

يارب يعجبكو يا قمرات
وتقيموه لاني بكتب بايد وبهز الست مريم بالايد التانية ههههههههههه
ولا تنسوني من صالح دعاءكم
احبكم في الله

الموضوع الأصلي : اجمل واسهل طبق

المصدر : ملتقى الجزائريين والعرب